Markbogfimi innandyra C landsliðsverkefni með ótakmörkuðum þátttökukvóta (t.d. Indoor World Series):

  • Öllu hlutgengu íþróttafólki sem mæta kröfum viðburðarins er heimil þátttaka í þeim verkefnum.
  • Skráning í slík landsliðsverkefni fer fram í gegnum aðildarfélög BFSÍ.
  • Aðildarfélög skulu útvega þjálfara/liðsstjóra/fararstjóra eftir því sem við á fyrir sitt íþróttafólk í slík landsliðsverkefni.

Ef þig vantar upplýsingar, skýringar eða aðstoð hafðu samband við BFSÍ bogfimi@bogfimi.is

Markbogfimi innandyra A/B landsliðsverkefni:

Innandyra landsliðshópur eru þeir íþróttamenn sem áætlaðir eru til keppni í A og/eða B landsliðsverkefnum í markbogfimi innandyra fyrir hönd BFSÍ og/eða eru valdir varamenn í slíkum verkefnum. Íþróttastjóri getur skipt hópnum niður frekar t.d. eftir keppnisgreinum.

Val íþróttafólks í A/B landsliðsverkefni innandyra:

Íþróttastjóri ræður vali íþróttafólks í landsliðsverkefni.

Til þess að vera valinn þarf íþróttamaður að hafa sýnt með atferli og hegðun að hann hafi verið, sé og verði fyrirmyndar fulltrúi fyrir hönd BFSÍ og geti unnið með öðrum þátttakendum í hópum BFSÍ. Íþróttamenn þurfa að vera mjög virkir í þátttöku í þeim mótum sem standa þeim til boða. Íþróttamenn þurfa að sækjast eftir því að vera valdir með því að tilkynna íþróttastjóra um sinn áhuga á þátttöku í A/B landsliðsverkefnum BFSÍ innandyra fyrir lok tímabilsins. Við lok tímabilsins velur Íþróttastjóri í landsliðsverkefni innandyra úr þeim sem hafa lýst yfir áhuga og myndar landsliðshóp BFSÍ innandyra.

Tímabil til þess að ná getustigs viðmiðum er 1 október til 30 september árið áður. Æskilegt er að íþróttamaður hafi náð viðmiðinu a.m.k. tvisvar á tímabilinu á Íslandsmetahæfum mótum. A flokkur samsvarar meðaltali efstu 50% keppenda á EM, B flokkur samsvarar meðaltali allra keppenda á EM, C flokkur eru aðrir sem Íþróttastjóri velur t.d. til að fylla í lið sem hafa ekki náð getustigsviðmiðum A/B.

Innandyra skor A flokkur B flokkur
RM 584 572
RJM 579 568
RW 579 569
RJW 571 558
Innandyra skor A flokkur B flokkur
CM 592 586
CJM 587 581
CW 586 580
CJW 581 575
Innandyra skor A flokkur B flokkur
BM* 534* 503*
BJM* N/A* N/A*
BW* 521* 480*
BJW* N/A* N/A*

* Berbogi er ný keppnisgrein á EM innandyra frá árinu 2021 og því ekki nægileg gögn til staðar að skapa áreiðanleg getustigs viðmið fyrir berboga flokka að svo stöddu (miðað er við síðustu þrjú EM í útreikningum). Íþróttastjóri ræður endanlegri flokkun í berboga. 

Áætluð áherslu A/B landsliðsverkefni BFSÍ í markbogfimi innandyra 2023:

Áherslu landsliðsverkefni BFSÍ eru þau landsliðsverkefni þar sem BFSÍ hyggst niðurgreiða þátttökukostnað íþróttamanna. Áhersla í fjármögnun er í valin A og B landsliðsverkefni þar afreksfólk og/eða lið eiga mesta möguleika á árangri. 

  • Evrópumeistaramót innandyra (Opinn flokkur) 
    • Áhersla:
      • Lið í öllum bogaflokkum í karla og kvenna
    • Áætlaður heildarkostnaður verkefnis:
      • 250.000-300.000.kr (endanleg upphæð liggur fyrir eftir að boðspakki móts er gefin út)
    • Áætluð niðurgreiðsla þátttökukostnaðar frá BFSÍ er að hámarki:
      • C flokkur – 100.000.kr
      • B flokkur – 150.000.kr
      • A flokkur – 200.000.kr
    • Hlutur keppanda í þátttökukostnaði skal þó aldrei vera lægri en 75.000.kr
  • Evrópumeistaramót U21 innandyra
    • Áhersla:
      • Lið í öllum bogaflokkum í karla og kvenna
    • Áætlaður heildarkostnaður verkefnis:
      • 250.000-300.000.kr (endanleg upphæð liggur fyrir eftir að boðspakki móts er gefin út)
    • Áætluð niðurgreiðsla þátttökukostnaðar frá BFSÍ er að hámarki:
      • C flokkur – 100.000.kr
      • B flokkur – 150.000.kr
      • A flokkur – 200.000.kr
    • Hlutur keppanda í þátttökukostnaði skal þó aldrei vera lægri en 75.000.kr

Aðstæður geta breyst með skömmum fyrirvara og því er þetta áætlun, endanlegt val og flokkun íþróttafólks er ávallt í höndum Íþróttastjóra. Upphæðir eru áætlun og geta breyst án fyrirvara. Tilgangur þess að birta upplýsingarnar hér er að gefa íþróttafólki hugmynd um hvað er horft til við val ferlið og líklegan kostnað svo að þeir geti undirbúið sig.

A/B/C flokkun tengt niðurgreiðslu gjalda og forgangi í landsliðsverkni er á tilraunastigi í afreksstarfi BFSÍ 2022 og mögulegt er að einhverjar breytingar verði gerðar á ferlinu þegar nær dregur eða á árinu 2023 og meiri reynsla er komin á ferlið (s.s. vegna EM sem haldin eru á árinu 2022 sem gætu breytt viðmiðum og/eða ófyrirsjáanlegra vandkvæða við A/B/C kerfið og/eða einfaldara kerfi uppgvötast). Því eru þetta aðeins áætluð viðmið fyrir keppendur til að nota sér til hliðsjónar.