• U21 (Junior)
  • U18 (Cadet)
  • U16 (Nordic)
  • U14

U21 (Junior)
Fæðingarár:    2001 og síðar
Vegalengd:     18 metrar
Skífustærð:     40 cm
Örvafjöldi:        60

U18 (Cadet)
Fæðingarár:    2004 og síðar.
Vegalengd:     18 metrar
Skífustærð:     60 cm
Örvafjöldi:        60

U16 (Nordic)
Fæðingarár:    2006 og síðar
Vegalengd:     12 metrar
Skífustærð:     60 cm
Örvafjöldi:        60

U14
Fæðingarár:    2008 og síðar
Vegalengd:     6 metrar
Skífustærð:     60 cm
Örvafjöldi:        30

Ungmennadeild BFSÍ er tilraunaverkefni sem sett var á fót til að gefa yngra íþróttafólki vettvang til þess að kynnast keppnisfyrirkomulagi í íþróttinni og færi á því að keppa sín á milli um land allt án tilheyrandi ferðakostnaðar. Ekkert keppnisgjald er til að taka þátt á meðan deildin er á tilraunastigi.

Íþróttafélög taka þátt í deildinni með því að halda keppni fyrir sína iðkendur og senda svo skorblöðin til BFSÍ fyrir lok mánaðarins. Félögunum er velkomið að hafa keppnina eins formlega eða óformlega og þeim lystir svo lengi sem öllum reglum er fylgt. Ekki er nauðsynlegt að dómari sé viðstaddur til að votta keppnina heldur dugar að fulltrúi félagsins votti skorblöðin – hafið þó í huga að ekki er hægt að sækja um íslandsmet nema að dómari með virk réttindi hafi verið viðstaddur og kvittað á skorblaðið.

Deildinni er skipt upp í fimm mánaða annir, tíu mánuði í heild á hverju ári.
Vor: Janúar, Febrúar, Mars, Apríl og Maí.
Haust: Ágúst, September, Október, Nóvember og Desember.

Nauðsynlegt er að passa upp á að réttum keppnisháttum sé fylgt og því tilvalinn fyrsti vettvangur fyrir ungmenni að kynnast bogfimi keppni.

Mismunandi er eftir hverjum aldursflokki fyrir sig hver vegalengd, skífustærð og fjöldi örva er. Athugið að fyrir þá sem keppa með trissuboga þá er litla tían notuð.

Umferðirnar eiga að vera tímasettar 120 sekúndur fyrir þrjár örvar. Hægt er að sækja app til að taka tímann t.d. ArtemisLite eða MyTargets Archery.

Mjög mikilvægt er að gæta að þessi atriði passi annars er hætta á að skorblaðið sé ógilt.

Síðast en ekki síst eru skorblöðin; mikilvægt er að kenna keppendum að fylla skorblöðin rétt út. Fylla á inn skorin í lækkandi röð, skorblaðið á að vera full klárað og útreikningar eiga að vera réttir. Dæmi:   Rétt: 7, 6, 3   |   Rangt: 6, 3, 7

Hér fyrir neðan er að finna skorblöð sem eru sérmerkt deildinni en á þeim er að finna réttar merkingar fyrir hvern aldursflokk. Þó er ekki nauðsynlegt að nota þau og er velkomið að skila inn skori á öðrum skorblöðum.

Á skorblaði þarf að koma fram: Fullt nafn, kennitala, félag, bogaflokkur, aldursflokkur, dagsetning keppni, undirskrift keppanda og undirskrift fulltrúa félagsins.

U21 / U18 / U16

60 örvar

U14

30 örvar