Íþróttastjóri BFSÍ náði að fá endurgreiddann nánast allan kostnað sem var búið að leggja út vegna Evrópumeistaramótsins innandyra eftir að því var aflýst í febrúar. Heildarkostnaður verkefnisins var að nálgast 12.000.000.kr vegna þátttöku á mótinu, enda 34 þátttakendur að leggja för sína á mótið, sem eru fleiri þátttakendur í einu verkefni en í flestum hópíþrótta landsliðsverkefnum á Íslandi.
Öllum þátttakendum á vegum BFSÍ á mótinu var endurgreitt að fullu eða greiðslur þeirra voru færðar yfir á önnur landsliðsverkefni sem þeir eru áætlaðir til þátttöku á síðar á árinu.
Endanlega tap sem BFSÍ varð fyrir vegna aflýsingu EM var 513.218.kr sem var að mestu vegna þess að ekki var mögulegt að fá endurgreiddan kostnað vegna hótel gistingar í Kaupmannahöfn á leið út á EM og í minna mæli endurgreiðslu gjöld og gengis mismunur. Sem er ansi vel sloppið að fara úr mögulega 12 milljón krónu tapi í hálfa milljón.
BFSÍ vill þakka kærlega samstarfið við Tyrkneska bogfimisambandið, Turkish Airlines, Verdi travel, Guðnýu Ólafsdóttir og síðast en ekki síst Icelandair sem stóðu öll svo sannarlega við bakið á BFSÍ í þessum óvenjulegu aðstæðum. Síðasta endurgreiðsla tengt verkefninu var að ganga í gegn í síðastu viku.
EM var því miður aflýst vegna þjóðarsorgar í Tyrklandi eftir að jarðskjálfta hrina reið yfir landið sem byrjaði á jarðskjálfta upp á 7.8 á richter 6 febrúar. Jarðskjálfta hrinan er en í gangi með reglubundnum skjálftum upp á 4-6 á richter og hefur valdið samtals 15 milljarða króna tjóni og yfir 50.000 dauðsföllum til dags þar í landi.
Vara og veltusjóður BFSÍ er rétt um 5 milljónir og er hann til þess að jafna út ójafnt fjárflæði til sambandsins yfir árið og til þess að taka á óvæntun höggum á starf BFSÍ. En ljóst er í samhengi við þessar aðstæður sem komu upp að sá sjóður þarf að vera mun hærri. Ef ekki hefði gengið þetta vel hjá íþróttastjóra að fá endurgreiðslur á kostnaði vegna aflýsingu þessa verkefnis (sem stjórnarmaður í framkvæmdastjórn ÍSÍ lýsti sem hreint ótrúlegu afreki) hefði BFSÍ orðið fyrir tapi langt umfram það fé sem til er til að taka á slíkum höggum, og það tap hefði jafnvel færst yfir á þátttakendur í verkefninu.
Þó að þessar aðstæður séu gífurlega óvenjulegar og komi kannski bara upp einu sinni á öld, þá ef horft er til þess sem gengið hefur á í heiminum síðustu ár (s.s. Covid) er nauðsynlegt að BFSÍ birgi sig betur upp til að taka á rofum í starfi sem geta falið í sér kostnað á sambandið. Stjórn BFSÍ mun vinna að því að reyna að hækka sjóðinn á næstu árum til þess að tryggja að slíkar aðstæður geti ekki sett rekstur sambandsins á hliðina.
Áhugvert er þó að geta að BFSÍ og þátttakendur BFSÍ eru vel tryggð í landsliðsverkefnum fyrir nánast öllu sem upp getur komið, nema aflýsingu mótsins sjálfs sem kom upp núna.
