ÍM í berboga/langboga, fyrstu titlar veittir í langboga/hefðbundnum bogum og 75% titla í berboga skiptu um hendur

Post author:Gummi Gudjonsson
Post published:13/04/2025
Post category:Fréttir

Íslandsmeistaramótið innandyra í berboga og langboga/hefðbundnum bogum, var að ljúka í dag í Bogfimisetrinu og margt um spennandi úrslitaleiki sem enduðu oft á óvæntum sigurvegurum.

Mjög góð þátttaka var á mótinu og jafnmargar skráningar voru í berboga og langboga/hefðbundnumbogum, sem sýnir að það er greinlega mikill áhugi fyrir þátttöku í gamal dags bogategundum.

Fyrstu Íslandsmeistaratitlar voru veittir í meistaraflokki í langboga/hefðbundnum bogum. En þeim bogaflokki var bætt við í regluverk BFSÍ seinni hluta ársins 2024 og er þetta því fyrsta Íslandsmeistaramót þar sem keppt er um formlegann titil í meistaraflokki í greininni.

Endurvakning Langbogafélagsins Freyju gengur vel og félagið með meira en 30% keppenda á mótinu, enda hefðbundnir bogar þeirra sérsvið. Það sást vel þar sem að félagið tók 75% af verðlaunapeningum í langboga/hefðbundnumbogum (Gull, silfur og brons samanlagt) og ÍF Freyja tóku fyrsta sætið á mótinu í heildar verðlaunatölu. ÍF Akur endaði í öðru sæti í heildar verðlaunatölu.

BF Boginn tók óvæntan sigur á medal standings með 3 af 8 gull verðlaunum á mótinu, en Akur og Freyja voru talin líklegri til þess að toppa listann á þessu móti.

Allir langbogatitlarnir voru nýjir og því allir að hreppa þá í fyrsta sinn, en tveir nýjir tóku sína fyrstu Íslandsmeistaratitla í meistaraflokki berboga og yfirhöfuð Sölvi BFB og Helgi ÍFA. Guðbjörg BFHH varði titil sinn í berboga kvenna frá síðasta ári og eftir því sem best er vitað vann SkotÍs sinn fyrsta „flottari“ verðlaunapening sem veittir eru í meistaraflokkum á ÍM af BFSÍ þegar Kristjana Rögn tók bronsið í berboga kvenna.

ÍF Akur og LF Freyja slógu tvö Íslandsmet hvort og BF Boginn eitt á mótinu.

Íslandsmeistarar í meistaraflokki einstaklinga urðu:

Langbogi karla – Sveinn Sveinbjörnsson – BFB Kópavogi
Langbogi kvenna – Margrét Lilja Guðmundsdóttir – LFF Reykjavík
Langbogi (óháð kyni) – Sveinn Sveinbjörnsson – BFB Kópavogi
Berbogi karla – Sölvi Óskarsson – BFB Kópavogi
Berbogi kvenna – Guðbjörg Reynisdóttir – BFHH Hafnarfjörður
Berbogi (óháð kyni) – Helgi Már Hafþórsson – ÍF Akur Akureyri

Íslandsmeistaratitlar í meistaraflokki félagsliðakeppni hrepptu:

Langboga félagsliðakeppni – LF Freyja Reykjavík
- Margrét Lilja Guðmundsdóttir
- Haukur Hallsteinsson
- Guðmundur Ingi Pétursson
Berboga félagsliðakeppni – ÍF Akur Akureyri
- Valgeir Árnason
- Helgi Már Hafþórsson
- Izaar Arnar Þorsteinsson

Íslandsmet sem slegin voru á mótinu:

Izaar Arnar Þorsteinsson – ÍF Akur – Berboga karla meistaraflokkur – 510 stig (metið var áður 508 stig)
Margrét Lilja Guðmundsdóttir – LF Freyja – Langboga kvenna meistaraflokkur – 474 stig (metið var áður 454 stig)
Ragnar Smári Jónasson – BF Boginn – Berboga karla U21 – 462 stig (metið var áður 375 stig)
LF Freyja – Langboga félagsliðakeppni meistaraflokkur – 1462 stig
- Margrét Lilja Guðmundsdóttir
- Haukur Hallsteinsson
- Guðmundur Ingi Pétursson
ÍF Akur – Berboga félagsliðakeppni meistaraflokkur – 1469 stig (metið var áður 1404 stig)
- Valgeir Árnason
- Helgi Már Hafþórsson
- Izaar Arnar Þorsteinsson