BFSÍ barst bréf þess efnis að stjórn Afrekssjóðs ÍSÍ 31 desember hafi samþykkt að færa Bogfimisamband Íslands úr flokki C/Þróunarsérsambanda í flokk B/Alþjóðlegra sérsambanda og að framkvæmdastjórn ÍSÍ hafi staðfest þá ákvörðun. Breytingin tekur gildi 1. janúar 2022.
Þessi breyting er stórt skref í afreksstarfi BFSÍ og er einnig mikil viðurkenning á starfi sambandsins og starfsmanna þess.
Með flokkuninni fylgir meiri ábyrgð og töluverðar kröfur hvað varðar þátttöku sambandsins í alþjóðlegu starfi og ríkar skyldur á þætti sem tengjast afreksíþróttastarfi, s.s. varðandi starfsmenn sambandsins.
Í ársskýrslu Afrekssjóðs ÍSÍ 2020 voru:
- 8 A/Afreks sérsambönd
- 10 B/Alþjóðleg sérsambönd
- 13 C/Þróunarsambönd
34 sérsambönd og 3 íþróttanefndir eru á Íslandi
