Í afreksstefnu BFSÍ sem samþykkt var á bogfimiþingi 2021 var ákveðið að leggja val í landsliðsverkefni og í landsliðshópa í hendur íþróttastjóra. Í afreksstefnu BFSÍ og reglugerðum BFSÍ er settur upp ákveðin rammi fyrir íþróttastjóra og framkvæmd afreksstarfs í bogfimi.

Íþróttastjóri velur þátttakendur í landsliðsverkefni BFSÍ með takmörkuðum þátttöku kvóta (það eru öll A/B landsliðsverkefni s.s. HM/EM, heims- og Evrópubikarmót og ákveðin C landsliðsverkefni). Skráning í landsliðsverkefni með ótakmörkuðum þátttöku kvóta (opin landsliðsverkefni) fer fram í gegnum aðildarfélögin og er almennt opin öllum hlutgengum meðlimum aðildarfélaga óháð getustigi (það eru flest C landsliðsverkefni s.s. NUM, Veronicas Cup, Indoor World Series, HM/EM/HL/EL öldunga).

BFSÍ ákveður árlega lykil landsliðsverkefni sem sambandið mun senda þátttakendur á. Þau eru kölluð áhersluverkefni BFSÍ og BFSÍ mun taka þátt í kostnaði þátttakenda í þeim verkefnum að einhverju leiti.

Áhersluverkefni BFSÍ 2022 eru eftirfarandi A/B landsliðsverkefni:

• EM innandyra
  • Opinn flokkur (A) og U21 (B)
  • Koper Slóvenía
  • Áætlað 13-19 febrúar
• EM utandyra
  • Opinn flokkur (A)
  • Munich Þýskaland
  • Áætlað 5-12 júní
• EM ungmenna utandyra
  • U21 (B) og U18 (B)
  • Lilleshall Bretland
    Áætlað 14-20 ágúst
• Önnur verkefni
  • Landsliðsverkefni til undirbúnings keppni um þátttökurétt á Ólympíuleika í sveigboga (2022 EM utandyra) (A)
  • Viðbótar verkefni keppenda/liða vegna sérstakra aðstæðna/umsókna/fjárveitingar/markmiða s.s. hækkun liða á heimslista (ákvörðun íþróttastjóra hverju sinni).

Íþróttastjóri velur úr íþróttafólki sem hefur tilkynnt áhuga sinn á þátttöku í áhersluverkefnum BFSÍ og er skilgreint í . Íþróttafólk þarf að uppfylla reglur BFSÍ um hlutgengi á erlend mót, fyrirmyndar hegðun og að hafa sýnt fram á lágmarks þátttöku í íþróttinni með því að hafa tekið þátt meiri hluta af þeim mótum innan vébanda BFSÍ sem stóðu þeim til boða.

Íþróttastjóri velur milli íþróttafólks sem hann metur sem svo að uppfylli skilyrðin hér fyrir ofan eftir getustigi á eftirfarandi veg:

1. Íþróttamenn sem náð hafa A flokks viðmiðum á síðustu 2 árum.
2. Íþróttamenn sem náð hafa B flokks viðmiðum á síðustu 2 árum.
3. Íþróttamenn sem náð hafa C flokks viðmiðum á síðustu 2 árum.
4. Aðrir sem íþróttastjóri velur til þátttöku (t.d. til þess að fylla í lið)

Íþróttastjóri ræður flokkun íþróttafólks en notar eftirfarandi lista sér til hliðsjónar.

	A flokkur	B flokkur	C flokkur og lið
Utandyra meðaltal	Efstu 50%	Allra	Lægstu 50%
RM	650	625	600
RJM	635	610	585
RCM	645	620	595
RW	630	605	575
RJW	620	585	550
RCW	630	600	570
Utandyra meðaltal	Efstu 50%	Allra	Lægstu 50%
CM	685	675	665
CJM	675	665	650
CCM	670	655	640
CW	680	665	650
CJW	670	650	630
CCW	665	645	625
Innandyra meðaltal	Efstu 50%	Allra	Lægstu 50%
RM	580	570	560
RJM	570	560	550
RW	575	565	555
RJW	565	555	540
Innandyra meðaltal	Efstu 50%	Allra	Lægstu 50%
CM	590	585	580
CJM	585	580	570
CW	585	575	570
CJW	580	570	560

Niðurgreiðsla þátttökukostnaðar vegna þátttöku í áhersluverkefnum BFSÍ verður breytileg eftir fjárhagslegri getu BFSÍ, fjárhagsáætlun BFSÍ og fjölda áherslu verkefna hverju sinni en viðmiðið er þetta:

• A flokkur: Allt að þrefalt það sem C flokkur fær
• B flokkur: Allt að tvöfalt það sem C flokkur fær
• C flokkur: Ákvarðað af íþróttastjóra í samræmi við fjárhagsáætlun afreksstarfs.
• Hlutur keppanda skal þó ekki vera lægri en 75.000.kr fyrir hvert verkefni

Þar sem BFSÍ hefur ákveðið að senda lið til þátttöku verður reynt að senda lið óháð því hvort að allir meðlimir liðsins hafi náð viðmiðum og verða allir liðsmenn flokkaðir í C flokk að lágmarki tengt niðurgreiðslu kostnaðar verkefnisins. Þar sem ákveðið hefur verið að senda einstaklinga í verkefni er ætlast til að þeir einstaklingar að hafi náð getustigs viðmiðum til þess að njóta niðurgreiðslu gjalda. (í tilfelli berboga þar sem það er ný keppnisgrein í markbogfimi ræður íþróttastjóri vali þátttakenda og flokkun þeirra og það á einnig við um íþróttagreinar þar sem þessi viðmið eiga ekki við s.s. víðavangsbogfimi)

ATH allir þurfa að láta skrá áhuga sinn á þátttöku hjá íþróttastjóra fyrir 31 október óháð því hvort að þeir hafa náð viðmiðum. Það er meðal annars gert til þess að hægt sé að ákvarða úthlutun á niðurgreiðslum til íþróttafólks vegna verkefna tímanlega og koma því fyrir í fjárhagsáætlunum sambandsins. Því er mikilvægt að íþróttafólk skipuleggji sig lengra fram í tímann en áður þar sem BFSÍ hyggst koma að kostnaði verkefna. Íþróttafólk sem skráir sig eftir þann tíma munu líklega ekki hafa möguleika á því að fá niðurgreiðslu kostnaðar og ólíklegt að þeir verði valdir í áhersluverkefni. Íþróttastjóra er þó heimilt að heimila þátttöku í öðrum landsliðsverkefnum en áhersluverkefnum BFSÍ, en íþróttafólk skal bera allan kostnað af þeim verkefnum.