Upplýsingar um ýmis atriði
Afhverju eru sum met merkt „U18BFSÍ“ og önnur met merkt sem „U18WA“?
WA met fara eftir reglum World Archery um fjarlægðir og skífustærðir t.d. „U21WA“.
BFSÍ met fara eftir reglum Bogfimisambands Íslands (og oft WAN) um fjarlægðir og skífustærðir t.d. „U21BFSÍ“.
Tvær útgáfur eru til þar sem að reglur WA, BFSÍ og WAN (World Archery Nordic) krossast stundum. Til dæmis þá er U16 flokkur á NM ungmenna, en enginn U16 flokkur til í reglum WA. En WA var nýlega bætt við U15 flokki hjá sér. BFSÍ og WAN gefa met fyrir langboga í markbogfimi, WA skilgreinir ekki langboga í reglum fyrir markbogfimi og veitir því engin met fyrir langboga (sama átti við til ársins 2021 þegar WA bætti berboga við í fyrsta sinn markbogfimi reglur sínar, og þar með heims- og Evrópumetum fyrir berboga).
Því geta komið tilfelli þar sem að bæði er mögulegt að slá U18 eftir BFSÍ/WAN reglum og WA reglum, en það er á annarri fjarlægð eða skífustærð.
Það er auðvelt að greina þau í sundur þar sem að það stendur fjarlægðin, skífustærðin og fjöldi örva í Íslandsmetaskránni og það met heitir „U18BFSÍ“ eða „U18WA“
Kyn tengt metum fer eftir kynskráningu viðkomandi í þjóðskrá. Veitt eru met fyrir 3 kynjaskráningar. Karla, Kvenna og Kynsegin/annað (M, W, X)
Ástæðan fyrir því að nauðsynlegt er að tilkynna metin í gegnum formið er meðal annars þar sem að mögulegt er að slá Íslandsmet á öllum heimsmetahæfum og Evrópumetahæfum mótum. Mörg þúsund slík mót eru haldin á hverju ári um allan heim. Þetta er í samræmi við hvernig alþjóðabogfimisambandið vinnur heimsmet, Evrópskabogfimisambandið vinnur Evrópumet og flest öll landssambönd í bogfimi vinna með landsmet innan sinna raða.
Ástæðan fyrir því að það þarf að tilkynna met innan ákveðins frests er til þess að koma í veg fyrir ósamræmi. Sem dæmi segjum að BFSÍ staðfesti U21WA Íslandsmet í berboga kvenna innadyra í dag. Tveim árum seinni tilkynnir annar íþróttamaður sama Íslandsmet, en met þess einstaklings sem var hærra og eldra en Íslandsmetið sem er búið að staðfesta.
Starfsfólk BFSÍ ef það tekur eftir því að met hefur verið slegið, og mögulega hafi gleymst að tilkynna það, þá lætur BFSÍ staffið viðkomandi aðila/félag vita. En ábyrgðin á því að tilkynna metin liggja á endanum hjá íþróttafólkinu/íþróttafélaginu.
Annars ætti Íslandsmetaskráin að útskýra sig meira og minna sjálf.
Ef spurningar vakna um Íslandsmetaskrá ekki hika við að senda línu á BFSÍ bogfimi(at)bogfimi.is og spyrja 😊