Landsliðshópur BFSÍ 2023
A landsliðshópur karla
- Albert Ólafsson – BF Boginn
- Alfreð Birgisson – ÍF Akur
- Dagur Örn Fannarsson – BF Boginn
- Gummi Guðjónsson – BF Boginn
- Haraldur Gústafsson – Skaust
- Nói Barkarson – BF Boginn
- Oliver Ormar Ingvarsson – BF Boginn
- Varamenn
- Ragnar Þór Hafsteinsson – BF Boginn
A landsliðshópur kvenna
- Anna María Alfreðsdóttir – ÍF Akur
- Astrid Daxböck – BF Boginn
- Ewa Ploszaj – BF Boginn
- Guðbjörg Reynisdóttir – BF Hrói Höttur
- Guðný Gréta Eyþórsdóttir – Skaust
- Marín Aníta Hilmarsdóttir – BF Boginn
- Sveinbjörg Rósa Sumarliðadóttir – BF Boginn
- Valgerður Einarsdóttir Hjaltested – BF Boginn
- Eowyn Marie Mamalias – BF Hrói Höttur
Kröfur fyrir landsliðshóp
Til þess að komast í landsliðshóp þurfti keppandi að ná viðeigandi viðmiðum hér fyrir neðan í mótum BFSÍ á tímabilinu 1 október til 30 september. Viðmiðin miðast við meðaltal lægstu 15% keppenda á síðustu þremur viðeigandi EM. Keppendur þurfa einnig að vera mjög virkir þátttakendur í mótum BFSÍ og virða siðareglur og hegðunarviðmið ÍSÍ/BFSÍ. Íþróttastjóri velur þá í hópinn sem hafa náð kröfum og hafa lýst yfir áhuga til hans að taka þátt í landsliðsverkefnum næsta árs. Íþróttastjóra er heimilt að velja keppendur í landsliðshóp sem hafa ekki náð viðmiðum s.s. til þess að fylla í lið og slíkt. Fyrir íþróttagreinar/flokka sem eru ekki skilgreind viðmið fyrir ræður íþróttastjóri flokkun og viðmiðum þeirra fyrir landsliðshóp (s.s. berboga, víðavangsbogfimi og slíkt)
Hvað er landsliðshópur
Í stuttu máli er landsliðshópur æfingahópur þeirra einstaklinga sem hafa náð viðmiðum (eða hafa verið valdir af íþróttastjóra s.s. að fylla í lið) og hafa lýst yfir áhuga á því að taka þátt í áherslu landsliðsverkefnum BFSÍ fyrir 31 október árið áður (2022 eru áherslu landsliðsverkefni BFSÍ t.d. EM inni og úti í opnum flokki og ungmenna). Íþróttastjóri velur endanlega íþróttafólk úr landsliðshópi í landsliðsverkefni ársins.
Mánaðarleg staða íþróttafólks.
Einu sinni í mánuði þarf íþróttafólk sem skilgreint er í hópa BFSÍ að skila inn stöðu. Það sem skila þarf inn er m.a.:
- Fjöldi örva sem skotið var í mánuðinum (gott að nota örva teljara)
- Fjöldi æfinga í mánuðinum (t.d. ef þú æfir 2 á dag 30 daga í mánuði væru það 60 æfingar)
- Skor tekið í Artemis lite og skill level fyrir skorið
Þessir mælikvarðar eru fyrir BFSÍ til þess að fylgjast með virkni/stöðu íþróttafólksins og halda utan um tölfræði. Þeir sem eru orðnir óvirkir og/eða skila ekki inn neinum upplýsingum um stöðu sína mánaðarlega (án ástæðu) er leyfilegt fjarlægja úr viðeigandi hópi.
Skilgreining á Landsliði
Landslið eru þeir keppendur sem valdir eru til þátttöku í landsliðsverkefnum. Íþróttastjóri velur þátttakendur í A/B landsliðsverkefni.
- A landslið væru þátttakendur í A landsliðsverkefnum (s.s. HM/EM)
- B landslið væru þátttakendur í B landsliðsverkefnum (s.s. HM/EM ungmenna, heims-/Evrópubikarmótum)
- C landsliðsverkefni með ótakmörkuðum þátttökukvóta (s.s. NUM og Veronicas Cup) eru opin öllum hlutgengum félagsmönnum aðildarfélaga og skráning í þau verkefni fer fram í gegnum aðildarfélögin (s.s. NUM, Veronicas Cup og IWS)
Í ákveðnum A landsliðsverkefnum er keppt bæði í opnum flokki (A) og ungmenna (B), einstaklingar í ungmennalandsliðum (B) teljast einnig sem varamenn í A landslið í þeim verkefnum.