Ungmennadeild BFSÍ var sett á fót til að gefa yngra íþróttafólki vettvang til þess að kynnast keppnisfyrirkomulagi í íþróttinni og gefa þeim færi á því að keppa sín á milli um land allt án tilheyrandi ferðakostnaðar. Ekkert þátttökugjald er í ungmennadeildinni.

Íþróttafélög taka þátt með því að halda keppni fyrir sína iðkendur og íþróttafélagið sendir svo skorblöðin til BFSÍ fyrir lok mánaðarins. Félögunum er velkomið að hafa keppnina eins formlega eða óformlega og þeim lystir svo lengi sem öllum reglum er fylgt. 

Aðeins er heimilt fyrir keppanda að taka eitt skor í mánuði eins og væri gert í keppni (semsagt það er ekki heimilt að taka mörg skor og skila því hæsta, eða byrja að taka skor og svo hætta með það og byrja aftur á nýju skori seinna). En heimilt er t.d. að skipta niður hvenær skorið er tekið t.d. 30 örvar á æfingu 1 og 30 örvar á æfingu 2 síðar í mánuðinum (t.d. þar sem að félagið hefur ekki tíma til þess að geta klárað keppnina á þeim tíma sem þeim er úthlutað á sínu svæði), og mismunandi einstaklingar geta tekið skor á mismunandi dögum (t.d. ef að æfingum er skipt niður eftir aldurshópum eða slíkt, eða íþróttamaður kemst ekki á ákveðna æfingu). Ef að íþróttamaður klárar ekki skorið

Ekki er nauðsynlegt að dómari sé viðstaddur til að votta keppnina heldur dugar að fulltrúi félagsins votti skorblöðin (og landsdómari þar sem við á). Ungmennadeildin verður ekki metahæf frá og með árinu 2024.