Íþróttafólk ársins 2018 eru Nói Barkarson og Eowyn Marie Mamalias.

Hægt er að sjá niðurstöður úr net kosningunni hérna fyrir neðan.

Samkeppnin var gífurleg á þessu ári enda gífurlega mikill árangur hjá mörgum á Íslandi þar sem keppendur frá Íslandi voru meðal annars að keppa um Heimsmeistaratitla og Norðurlandameistaratitla. Sérstaklega í yngri flokkunum og Masters (50 ára og eldri) flokkum.

Nói Barkarson:

Nói Barkarson var kosinn Íþróttamaður ársins í bogfimi. Nói er 15 ára gamall og búinn að stunda bogfimi í rúmt ár. Hann er á þeim tíma búinn að eigna sér meirihlutann af Íslandsmetaskránni í öllum aldursflokkum. Hann sló 16 Íslandsmet í trissuboga á tímabilinu í U15, U18 og U21 flokki og er Íslandsmeistari í U18 innandyra og utandyra ásamt því að vinna Íslandsbikarmótið með forgjöf. Hann er einnig einn iðnasti keppandinn.

Nói keppti á Norðulandameistaramóti Ungmenna á árinu þar sem hann endaði í 4 sæti, ástæðan fyrir því að það telst afrek er að Danmörk er ein sterkasta þjóð í heimi í trissubogaflokki og eru margfaldir heimsmeistarar í liða og einstaklingskeppni, barna og unglingastarf þeirra er eitt það sterkasta í heiminum.

Á næsta ári mun Nói keppa á bæði Norðurlandameistaramóti ungmenna og European Youth Cup þar sem hann er líklegur til að taka medalíu á báðum mótunum.

Nói náði frábærum árangri á þessu ári og það verður spennandi að fylgjast með hvað mun gerast í framtíðinni hjá honum.

• 16x Íslandsmet í einstaklingskeppni í U15, U18 og U21 flokkum
• 2x Íslandsmeistari í U18 flokki einstaklinga
• Helsti árangur/afrek: 4. sæti í undankeppni Norðurlandameistarmóts Ungmenna

Nói Barkarson SJÁ ALLAR NIÐURSTÖÐUR ÁRSINS MEÐ ÞVÍ AÐ SMELLA HÉR

Eowyn Marie Mamalias:

Eowyn Marie Mamalias var kosin Íþróttakona ársins í bogfimi. Eowyn er 14 ára gömul og búin að stunda bogfimi í um 3 ár. Hún er á þeim tíma búin að eigna sér meirihlutann af Íslandsmetaskránni í öllum aldursflokkum. Hún sló 15 Íslandsmet í trissuboga á tímabilinu í U15, U18 og U21 flokki. Hún er einnig ein af iðnustu keppendunum.

Eowyn keppti á Norðulandameistaramóti Ungmenna á árinu þar sem hún endaði í 3 sæti og var talin með sigurstranglegustu á mótinu þrátt fyrir að gengið hefði illa í undankeppni, í útsláttarkeppninni kom upp bilun í búnaðinum hennar, hún náði því ekki að skjóta 3 örvunum  og var slegin út. Ástæðan fyrir því að það telst afrek að vera meðal bestu á Norðulanda meistaramót ungmenna er að Danmörk er ein sterkasta þjóð í heimi í trissubogaflokki og eru margfaldir heimsmeistarar í liða og einstaklingskeppni, barna og unglingastarf þeirra er eitt það sterkasta í heiminum í trissuboga.

Á næsta ári mun Eowyn keppa á bæði Norðurlandameistaramóti ungmenna og öðrum alþjóðlegum mótum þar sem hún er líkleg til að taka medalíur og titla fyrir Ísland.

Eowyn náði frábærum árangri á þessu ári og það verður spennandi að fylgjast með hvað mun gerast í framtíðinni hjá henni.

• 15 Íslandsmet í einstaklingskeppni í U21, U18 og U15 flokkum
• 1x Íslandsmeistari í U15 flokki einstaklinga
• Helsti árangur/afrek: 3. sæti í undankeppni Norðurlandameistarmóts Ungmenna

Eowyn Marie Mamalias SJÁ ALLAR NIÐURSTÖÐUR ÁRSINS MEÐ ÞVÍ AÐ SMELLA HÉR

Það sem er sérstaklega spennandi við árangur þessa íþróttafólks er að bæði Eowyn og Nói eru bæði að keppa í trissubogaflokki og eru á svipuðum aldri. Því eru góðar líkur á að þau eigi eftir að geta neglt þó nokkrar medalíur á alþjóðlegum mótum fyrir Ísland í blandaðri liðakeppni (mixed team) þar sem einn karl og ein kona keppa saman sem lið.