Íþróttafólk ársins 2020 Bogfimi – Dagur og Marín

Dagur Örn Fannarsson 19 ára og Marín Aníta Hilmarsdóttir 16 ára eru yngstu keppendur í sveigboga sem hafa verið valin íþróttafólk ársins í bogfimi. Enginn sveigboga keppandi yngri en 35 ára hefur áður verið titlaður íþróttamaður og kona ársins í bogfimi og þetta er aðeins í annað sinn sem sveigboga keppandi er titlaður íþróttakona ársins. Þetta eru því tímamót í íþróttinni.

Dagur Örn Fannarsson 19 ára átti frábært ár í sveigboga.

Dagur tók Íslandsmeistaratitilinn innandyra með gífurlegum yfirburðum. Dagur var hæstur í undankeppni og tapaði aðeins 1 stig í öllum úrslitaleikjum mótsins. Hann var einnig hæstur í undankeppni á Íslandsmeistaramóti utanhúss. Dagur byrjaði í bogfimi 2018 og þetta var í fyrsta sinn sem Dagur keppir á Íslandsmeistaramótum í opnum flokki og hefur strax sett sig fram sem framúrskarandi íþróttamann. Þetta er einnig fyrsta sinn sem Dagur er tilnefndur og valinn íþróttamaður ársins í bogfimi. Dagur sló tvö einstaklings íslandsmet í U21 flokki á árinu, seinna metið var 553 stig sem setur hann meðal top fimm hæst skorandi sveigboga karla innandyra í bogfimi á Íslandi frá því að skráningar hófust. Dagur sló einnig fimm liðamet með félagsliði sínu.

Áætlað var að senda Dag á EM-, NM- og Evrópubikar ungmenna ásamt fleiri erlendum mótum. Því miður kom heimsfaraldur í veg fyrir það þar sem öllum alþjóðlegum bogfimimótum var aflýst. Einstaklega leitt þar sem Dagur var talinn sigurstranglegur á NM ungmenna.

Marín Aníta Hilmarsdóttir 16 ára að taka toppinn.

Marín sigraði allt með yfirburðum á Íslandsmótum innandyra á þessu ári og tók alla titla og verðlaun sem henni stóðu til boða. Marín vann Íslandsmeistaratitilinn í opnum flokki, U21 og U18 flokki ásamt því að sigra keppendur erlendis frá sem kepptu í alþjóðlega hluta íslandsmóts ungmenna í U18 og U21 flokki. Marín var aðeins einum Íslandsmeistaratitli frá því að taka fullkomið ár í sveigboga kvenna, þar þurfti silfur að duga. Marín á fimm af sex íslandsmetum í U21, U18 og U16 flokkum og hún bætti bæði U18 og U21 utandyra metin á árinu. Ásamt því að bæta fjögur Íslandsmet í liðakeppni með sínu félagsliði. Þetta var í fyrsta sinn sem Marín tók þátt á Íslandsmeistaramótum í opnum flokki og fyrsta sinn sem hún er valin íþróttakona ársins.

Áætlað var að senda Marín á EM-, NM- og Evrópubikar ungmenna ásamt öðrum erlendum mótum. Því miður kom heimsfaraldur í veg fyrir það. Marín hefur sett sér markmiðið að ná sæti fyrir Ísland á Evrópuleika 2023. Gífurlega efnileg stúlka sem vert er að fylgjast með.

Dagur og Marín kepptu og unnu saman Íslandsmeistaratitil í parakeppni félagsliða fyrir Bogfimifélagið Bogann á Íslandsmótinu utanhúss 2020, það var í fyrsta sinn sem keppt var í parakeppni félagsliða á Íslandsmeistaramóti. Þau voru einnig bæði í hæfileikamótun BFSÍ á árinu og náðu lágmörkum fyrir landslið/ungmennalandslið 2021.

Hægt er að finna mörg mynskeið af þeim á archery tv iceland youtube rásinni. https://www.youtube.com/c/ArcheryTVIceland/videos

Ófyrirséðar aðstæður í vali íþróttafólks ársins.

Covid-19 heimsfaraldur olli miklum röskunum í íþróttum hérlendis og erlendis. Undir venjulegum kringumstæðum væri valið eftir tölfræði keppenda sem er reiknuð út frá frammistöðu á mun stærra mengi af mótum og þá sérstaklega erlendum mótum. Sökum heimsfaraldurs þurfti stjórn BFSÍ að virkja ákvæði í reglum um íþróttafólk ársins um ófyrirséð atvik, þá var tölfræði notuð eins og mögulegt var til þess að skilja að besta íþróttafólk ársins. Loka val íþróttafólks ársins féll þá á formenn aðildarfélaga BFSÍ úr þeim einstaklingum sem voru hæstir í tölfræði ársins.

Hæfileikamótunarhópur 2021

Eftirfarandi voru valdir í hæfileikamótunarhóp BFSÍ 2021:

Nafn Bogaflokkur Félag Aldur 2021
Sara Sigurðardóttir Trissubogi Boginn 18
Freyja Dís Benediktsdóttir Trissubogi Boginn 16
Daníel Már Ægisson Trissubogi Boginn 17
Halla Sól Þorbjörnsdóttir Sveigbogi Boginn 17
Valgerður Einarsdóttir Hjaltested Sveigbogi Boginn 19
Melissa Tanja Pampoulie Sveigbogi Boginn 16
Pétur Már Birgirsson Sveigbogi Boginn 16
Sigfús Björgvin Hilmarsson Trissubogi Boginn 15
Daníel Hvidbro Baldursson Trissubogi Skaust 16
Nóam Óli Stefánsson Trissubogi Hrói Höttur 16

10 október var sendur póstur á öll íþróttafélög innan BFSÍ og leitað meðmæla félagana á íþróttafólki í hæfileikmótunarhóp BFSÍ. Fresturinn sem gefinn var til þess að senda inn meðmæli var 30 október.

Áætlað var að velja um 10 einstaklinga í hópinn. 10 meðmæli bárust frá 3 íþróttafélögum. Íþróttastjóri BFSÍ taldi alla sem mælt var með standast viðmið fyrir hæfileikamótunarhóp og valdi því alla 10 sem mælt var með í hópinn.

Fyrir þá sem vita ekki hvað hæfileikamótun er þá væri stutt lýsing á því: einstaklingar sem talið er að með markvissri þjálfun geti náð viðmiðum ungmennalandsliðs í framtíðinni.

Megin markmið hæfileikamótunar BFSÍ er því að þróa íþróttafólk í stöður ungmennalandsliðs BFSÍ.

Einnig er hægt að horfa á hæfileikamótunarhóp sem varamannabekk fyrir ungmennalandslið. Mögulegt er að íþróttafólki í hæfileikamótun verði boðið að taka þátt í alþjóðlegum mótum með ungmennalandsliði t.d. til að fylla í lið. Kostnaður tengt slíkri þátttöku leggst á íþróttafólkið og/eða félögin að fjármagna.

Meðal verkefna sem áætlað er að bjóða upp á er:

  • Tvær til þrjár æfingarbúðir með ungmennalandsliði (eftir því hvað Covid leyfir í samkomum og hópamyndun)
  • Fyrirlestrar og Q&A með erlendu afreksíþróttafólki (eins og Evrópu/heims/Ólympíumedalíuhöfum)
  • Aðgengi að sjúkraþjálfun, næringarráðgjöf og íþróttasálfræðingi (eftir þörfum hvers og eins)
  • Einkaþjálfun til að þróa einstaklinga í hópnum.
  • Möguleikar á þátttöku í ýmsum öðrum verkefnum eins og t.d. fjarverkefnum á vegum World Academy of sports, WorldArchery og ÍSÍ í samstarfi við BFSÍ.

BFSÍ mun gera sitt besta við að þátttökugjöld í þessum verkefnum verði lág.

Hæfileikamótun 2020 skilaði góðum árangri, um helmingur þeirra sem skilgreindir voru í hópinn náðu viðmiðum fyrir ungmennalandsliðshóp. Flestir íþróttamanna sem skipa ungmennalandsliði 2021 voru skilgreindir í hæfileikamótun 2020.

Hæfileikamótun BFSÍ mun þróast í takt við þróun bogfimiíþrótta á Íslandi. Líklegt telst að lögð verði meiri áhersla á yngra íþróttafólk í framtíðinni, eftir því sem barnastarf eykst innan félagana.

Val í landsliðshóp 2021

Val í landsliðshóp 2021.

Landslið BFSÍ 2021

 

Oliver Ormar Ingvarsson – BF Boginn
Dagur Örn Fannarsson – BF Boginn
Gummi Guðjónsson – BF Boginn
Sigríður Sigurðardóttir – BF Hrói Höttur
Alfreð Birgisson – Íþróttafélagið Akur
Nói Barkarsson – BF Boginn
Anna María Alfreðsdóttir – Íþróttafélagið Akur
Astrid Daxböck – BF Boginn
Ewa Ploszaj – BF Boginn
Guðbjörg Reynisdóttir – BF Hrói Höttur – Berbogi – Víðavangsbogfimi

Áherslu verkefni sem áætluð eru fyrir landslið 2021 eru:

  • EM innandyra í Slóveníu – Febrúar
  • EM utandyra og undankeppni Ólympíuleika í Tyrklandi – Maí
  • HM í Bandaríkjunum – September

Óvíst er hvernig Covid mun hafa áhrif á innlent og alþjóðlegt afreksstarf á árinu 2021, en það þykir ljóst að við munum finna fyrir áhrifum heimsfaraldursins sérstaklega fyrri hluta ársins 2021.

Skipulag verkefna verður því frekar breytilegt eftir því hvernig Covid ástand þróast.

Líklegt þykir að EM innandyra verði aflýst vegna heimsfaraldurs Covid-19 og að það muni einnig hafa áhrif á EM/undankeppni ÓL í Maí. En vonin er sú að bóluefni verið orðið aðgengilegt fyrir HM í September.

Val í ungmennalandsliðshóp 2021 Oliver-Dagur-Marín-Nói-Anna-Eowyn ná viðmiðum

Í samræmi við afreksstefnu og reglugerðir BFSÍ var valið í ungmennalandsliðshóp 2021 í þessum mánuði.

Ungmenna Landslið BFSÍ 2021

Eftirfarandi aðilar náðu viðmiðum og voru valdir í ungmennalandsliðshóp í bogfimi 2021.

Oliver Ormar Ingvarsson – BF Boginn – Sveigbogi U21
Dagur Örn Fannarsson – BF Boginn – Sveigbogi U21
Nói Barkarsson – BF Boginn – Trissubogi U21
Anna María Alfreðsdóttir – ÍF Akur – Trissubogi U21
Marín Aníta Hilmarsdóttir – BF Boginn – Sveigbogi U18
Eowyn Marie Mamalias – BF Hrói Höttur – Trissubogi U18

Áherslu verkefni sem áætluð eru fyrir ungmennalandslið 2021 eru:

  • EM innandyra U21 í Slóveníu – Febrúar
  • Evrópubikar ungmenna U18/U21 í Slóveníu – Maí
  • Evrópubikar ungmenna U18/U21 í Rúmeníu – Ágúst

Óvíst er hvernig Covid mun hafa áhrif á innlent og alþjóðlegt afreksstarf á árinu 2021, en það þykir ljóst að við munum finna fyrir áhrifum heimsfaraldursins sérstaklega fyrri hluta ársins 2021.

Skipulag verkefna verður því frekar breytilegt eftir því hvernig Covid ástand þróast. En áætlað er að hafa 3 æfingarbúðir á árinu stuttu fyrir hvert alþjóðlegaverkefni fyrir sig.

Líklegt þykir að EM innandyra verði aflýst vegna heimsfaraldurs Covid-19 og að það muni einnig hafa áhrif á Evrópubikar ungmenna í Maí. En vonin er sú að bóluefni verið orðið aðgengilegt fyrir Evrópubikar í Ágúst.

Einnig var óskað eftir meðmælum aðildarfélaga í hæfileikamótunarhóp BFSÍ 2021 sem verður tilkynnt síðar.

Ásdís Lilja Hafþórsdóttir ráðin í starf framkvæmdastjóra BFSÍ

Ásdís hefur formlega störf 01. nóvember 2020 í 80% starfi.

Fyrstu verkefni Ásdísar verða að komast inn í og taka yfir mörg af þeim verkefnum sem formaður og stjórn sambandsins eru með.

Ásdís verður þá að megin tengilið BFSÍ í öllum málum og sér um að framkvæma stefnu og ákvarðanir stjórnar BFSÍ. Hún ætlar sér að bæta samskipti við og á milli aðildarfélaga til muna og mun leggja áherslu á að bæta aðgengi að fræðslu, og þá sérstaklega þjálfaramenntun og dómaramenntun á fyrsta árinu.

Ásdís mun starfa að mestu heiman frá fyrst um sinn á meðan Covid ástand ríkir í landinu. En BFSÍ hefur óskað eftir skrifstofuaðstöðu í húsnæði ÍSÍ á Engjavegi þegar slík aðstaða verður í boði.

Með þessari ráðningu er búið að manna allar lykil stöður í samræmi við aðgerðir í drögum að heildarstefnu 2020-2021 sem lögð var fyrir formenn aðildarfélaga á formannafundi í mars á þessu ári.

Heildarstefna_BFSI_2020_2021_drög

Íþróttastjóri var ráðinn Guðmundur Örn Guðjónsson í 20% starf um mitt þetta ár til þess að sjá um framkvæmd afreksstarfs í samræmi við afreksstefnu BFSÍ. En stjórn BFSÍ taldi ekki ástæðu til þess að ráða íþróttastjóra í hærra starfshlutfall að svo stöddu sökum áhrifa heimsfaraldurs á alþjóðlegt afreksstarf. Einnig mun Covid ástand líklega hafa mikil áhrif á alþjóðlegt afreksstarf árið 2021.

Verið er að leggja lokahönd á 4 ára heildarstefnu og afreksstefnu sem lögð verður fyrir á bogfimiþingi 2021. Heildarstefnan byggð á fordæmi og gögnum frá heimssambandinu. Stjórn BFSÍ hefur sett sér þá stefnu að leggja ekki alla vinnu við störf sambandsins á sjálfboðaliða. Góður grunnur að vel starfandi sambandi byggist að stórum hluta á lykil starfsmönnum.

Sjálfboðaliðar eru samt öllum íþróttahreyfingum ómissandi og verið er að vinna í því að gera sjálfboðaliðastörf innan BFSÍ meira spennandi.

Tölvupóstsvindl og íþróttafélög

Lögreglan á höfuðborgarsvæðinu hefur upplýst BFSÍ í gegnum ÍSÍ um að tölvupóstssvindl hafi aukist umtalsvert og beinist nú í auknum mæli að íþróttahreyfingunni. Nú þegar hafa nokkur íþróttafélög orðið fyrir barðinu á svindli sem þessu og tapað talsverðu fé.
Embættið sendi ÍSÍ leiðbeinandi upplýsingar vegna málsins sem ÍSÍ áframsendi til sérsambanda og finna má hér:

Upplýsingar og góð ráð gegn tölvupóstssvindli.

Íþróttahreyfingin er hvött til að kynna sér málefnið vandlega og gæta fyllstu varkárni í millifærslum á fé inn á ókunna bankareikninga. Lögreglan á höfuðborgarsvæðinu óskar eftir því að öll svik eða tilraunir til svika séu tilkynnt til lögreglunnar og má finna nánari upplýsingar varðandi slíkar tilkynningar í ofangreindu upplýsingaskjali.

Þess má geta að heildartjón vegna netglæpa sem bitnað hafa á Íslendingum síðustu þrjú árin, nemur um 1,3 milljarði króna.

Hæfleikamótun með Miika Aulio frestað vegna Covid.

Vegna gífurlegrar aukningar á smitum og vöxt Covid-19 hefur æfingarbúðum hæfileikamótunar verið frestað. Óvíst er hvernær það verður hægt að halda þær næst.

Vonin er að ná að gera þetta verkefni á þessu ári, en ef það næst ekki vegna COVID miðum við á næsta ár 🙂

Ekki hefur verið sett nein dagsetning og við bíðum bara að sjá hvernig málin þróast tengt Covid.

Hægt er að sjá meira um hæfileikamótunar verkefnið hér

https://bogfimi.is/2020/09/09/haefleikamotun-med-miika-aulio-fyrrum-finnska-landslidsthjalfaranum/

 

Haustfjarnám þjálfaramenntun almennur hluti ÍSÍ stig 1, 2 og 3

Haustfjarnám 1. 2. og 3. stigs Þjálfaramenntunar ÍSÍ hefst mánudaginn 21. september nk. og tekur það átta vikur á 1. stigi en fimm vikur á 2. og 3. stigi. Námið er almennur hluti menntakerfisins og gildir jafnt fyrir allar íþróttagreinar. Sérgreinaþátt þjálfaramenntunarinnar sækja þjálfarar hjá viðkomandi sérsambandi ÍSÍ hverju sinni.

Nám allra stiga er allt í fjarnámi, engar staðbundnar lotur. Námið hefur verið afar vinsælt undanfarin ár og þátttakendur komið frá fjölda íþróttagreina. Námið veitir réttindi til íþróttaþjálfunar og jafnframt rétt til áframhaldandi náms til frekari réttinda.

Þátttökugjald á 1. stig er kr. 34.000.- og öll námskeiðsgögn eru innifalin í því verði. Ný og efnismikil bók, Þjálffræði, verður nú tekin í notkun í Þjálfaramenntuninni. Rétt til þátttöku á 1. stigi hafa allir sem lokið hafa grunnskólaprófi.
Þátttökugjald á 2. stig er kr. 28.000.- og öll námskeiðsgögn eru innifalin.
Gjaldið á 3. stig er kr. 40.000.-

Athugið að þeir nemendur/þjálfarar sem koma frá Fyrirmyndarfélögum/-deildum ÍSÍ fá 20% afslátt af námskeiðsgjaldi.

Skráning er rafræn og þarf henni að vera lokið fyrir föstudaginn 18. september.

Slóð á skráningu á öll stig í haustfjarnám Þjálfaramenntunar ÍSÍ 2020.

Allar nánari uppl. um fjarnámið og Þjálfaramenntun ÍSÍ gefur Viðar Sigurjónsson í síma 460-1467 og 863-1399 eða á vidar@isi.is

Sjá nánari upplýsingar á isi.is https://isi.is/frettir/frett/2020/09/15/Thjalfaramenntun-ISI-hefst-nk.-manudag/

Haustfjarnám allra stiga 2020-1

Hæfleikamótun með Miika Aulio fyrrum finnska landsliðsþjálfaranum.

Ólympíufarinn Miika Aulio kemur til landsins á vegum BFSÍ og verður með æfingarbúðir fyrir iðkendur sem skilgreindir eru í hæfileikamótun BFSÍ. Miika var einnig yfirþjálfari ólympíska bogfimilandsliðsins í Finnlandi í meira en áratug og hefur því gífurlega mikla reynslu til að miðla. Miika sér um þjálfaramenntun í Finnlandi eins og er.

Áætlað er að halda æfingarbúðirnar 22-26 Október, ef að Covid-19 leyfir.  Eins og staðan er í dag þyrfti Miika að fara í 14 daga sóttkví og því líklegt að fresta gæti þurft ferð hans þar til Covid faraldurinn deyr niður aftur. Skipulagið verður eitthvað í þessa átt (ef af verður).

  • Fimmtudagur (Miika lendir á Íslandi)
  • Föstudagur 17-20
  • Laugardagur 10-18
  • Sunnudagur 10-16
  • Mánudagur (Miika flýgur heim)

Verið er að vinna í dagsskipulagi hvers dags. En þetta mun samanstanda af fyrirlestrum, einkaþjálfun og hópefli. Nánari dagskrá verður birt síðar.

Æfingarbúðirnar eru miðaðar á að hjálpa þeim ungmennum sem eru komin langt að ná lengra. Þeir sem eru skilgreindir í hæfileikamótun eða afreksefni BFSÍ geta tekið þátt að kostnaðarlausu.

Mögulegt er að taka nokkra einstaklinga til viðbótar inn í æfingarbúðirnar á aldrinum 13-19 ára sem eru ekki skilgreindir í hæfileikamótunar hóp BFSÍ gegn gjaldi, 25.000.kr fyrir helgina. En aðeins örfá slík sæti eru í boði. Við munum gefa þeim krökkum sem eru virkir keppendur á Íslandmótum innanhúss og utanhúss forgang á laus sæti og einnig taka mið af getustigi þeirra og aldri. Hægt er að óska eftir að skrá sig með því að senda póst á bogfimi@bogfimi.is

Áætlað er að gera sambærilega viðburði árlega með sérfræðingum, til þess að aðstoða hæfileikarík ungmenni til þess að ná frekari árangri.

Einnig er verið að vinna í að skipuleggja viðburði fyrir fullorðna, en þeir verða líklega ekki fyrr en á næsta ári.

Uppfærðar Covid reglur fyrir bogfimistarf 07.09.2020

Ýmsu hefur verið breytt í reglugerðinni til dæmis til þess að mæta breyttum nálægðarviðmiðum sóttvarnaraðgerða úr 2 metrum í 1 meter.

Covid-19

Hægt er að finna reglugerðina og upplýsingar um sóttvarnarfulltrúa hvers félags á síðu á forsíðu bogfimi.is. Allar upplýsingar verða uppfærðar þar í framtíðinni. Endilega kynnið ykkur efnið.